Գլխավոր էջ »
2013 »
Մայիս »
18 » Սեւան-Երեւան մայրուղում խոչընդոտում են լրագրողների աշխատանքը, կոտրել են տեսախցիկներ
13:58 Սեւան-Երեւան մայրուղում խոչընդոտում են լրագրողների աշխատանքը, կոտրել են տեսախցիկներ |
Ինչպես արդեն տեղեկացրել ենք, ԳԱԼԱ-ի նկարահանող խումբը Սեւանում է, այնտեղ, որտեղից արգելում են սպանված զինվորի հարազատներին Երեւան տեղափոխել զինծառայողի դին: ԳԱԼԱ-ի թղթակիցը տեղեկացնում է, որ այս պահին արգելում են տեսանկարահանումները.«Ինձ Կենտրոնի լրագրողը փոխանցեց, որ իրենց տեսախցիկը կոտրել են եւ վերցրել: Երկիր Մեդիա լրատվամիջոցի տեսաերիզները եւս վերցրել են: Այստեղ են Սեյրան Օհանյանը, ոստիկանության հատուկ ջոկատայիններ, ովքեր արգելում են մեզ տեսանկարահնումներ անել: Սեյրան Օհանյանը զրուցում է սպանված զինվորի հարազատների հետ: Ըստ երեւույթին փորձում են նրանց համոզել, որպեսզի հետ կանգնեն դին Կառավարության շենքի դիմաց տեղափոխելու մտադրությունից»,- հայտնում է ԳԱԼԱ-ի լրագրող Փայլակ Ֆահրադյանը:Հարազատները ձեռքերին պահում են Լյուքս Ստեփանյանի լուսանկարը: Ի դեպ, նրանք նաեւ մեքենայից դուրս են բերել զինվորի դագաղը եւ փորձում են ոտքով շարժվել առաջ:Հիշեցնենք, որ մայիսի 15-ին, ժամը 15:30-ի սահմաններում ՀՀ ՊՆ N զորամասի պահակախմբի մուտքի դիտորդ, ժամկետային զինծառայող, շարքային Դավիթ Ռաֆայելի Խաչատրյանն իրեն ամրակցված ԱԿՄ տեսակի ինքնաձիգից կրակոց է արձակել, ինչի արդյունքում պահակախմբում ընդգրկված ժամկետային զինծառայող, շարքային Լյուքս Իշխանի Ստեփանյանը գլխի շրջանում ստացած հրազենային վիրավորումից տեղում մահացել է, իսկ նույն զորամասի ժամկետային զինծառայող, շարքային Հրաչյա Վաղինակի Սարգսյանը գլխի շրջանում ստացել է հրազենային վիրավորում: Վերջինս ընդունվել է ՀՀ ՊՆ կենտրոնական կլինիկական զինվորական հոսպիտալի վերակենդանացման բաժանմունք: Այսօր առավոտյան Լյուքս Ստեփանյանի հարազատները ի նշան բողոքի իրենց սպանված որդուն որոշել են տեղափոխել Երեւան: Նրանց հետ առանձին մեքենայով նաեւ սպանված զինվորի հարազատներն են:
|
Դիտումներ: 552 |
Ավելացրեց: JOURNALIST
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|