13:48 Սպանված զինվորի դագաղը մեքենայից հանել են ու ուզում են ոտքով Երեւան բերել | |
Մայիսի 15-ին Նոյեմբերյանի զորամասում սպանված զինծառայող Լյուքս Ստեփանյանի ծնողները որդու դին Երեւան են բերում` Հանրապետության հրապարակ` ի նշան բողոքի։ Նրանք դագաղը հանել են, որ ոտքով բերեն, քանի որ ոստիկանության, զինվորականների, ռազմական ոստիկանության աշխատակիցները թույլ չեն տալիս առաջ շարժվել։ Այս պահին վատացել է զինվորի մոր ինքնազգացողությունը, նրան բուժօգնություն են ցուցաբերում։ Նշենք, որ նրանց ընդառաջ են գնացել Ռազմական ոստիկանության պետ Սամվել Ղուկասյանը, Պաշտպանության նախարար Սեյրան Օհանյանն ու ոստիկանության պետ Վլադիմիր Գասպարյանը: Նշենք, որ մայիսի 15-ին Նոյեմբերյանի զորամասում սպանված զինծառայող Լյուքս Ստեփանյանի ծնողները որդու դին Երեւան են բերում` Հանրապետության հրապարակ` ի նշան բողոքի: Լյուքս Ստեփանյանը Մարտունու Վերին գետաշեն գյուղից էր: Վերջինիս ծնողներն ու հարազատները չգիտեն որդու սպանության իրական պատճառները եւ պահանջում են լսել ճշմարտությունը: «Մեզ պետք է պատասխան տան, թե ինչու սպանվեց մեր որդին, այդ ինչ վիճաբանություն էր, որ հարթել հնարավոր չեղավ եւ խլեց Լյուքսի կյանքը»,- HayNews.am-ի հետ զրույցում ասաց հարազատներից մեկը: Նրանք վիրավորված են նաեւ Պաշտպանության նախարարության անտարբերությունից: Հիշեցնենք, որ 15.05.2013թ., ժամը 15:30-ի սահմաններում ՀՀ ՊՆ N զորամասի պահակախմբի մուտքի դիտորդ, ժամկետային զինծառայող, շարքային Դավիթ Ռաֆայելի Խաչատրյանն իրեն ամրակցված ԱԿՄ տեսակի ինքնաձիգից կրակոց է արձակել, ինչի արդյունքում պահակախմբում ընդգրկված ժամկետային զինծառայող, շարքային Լյուքս Իշխանի Ստեփանյանը գլխի շրջանում ստացած հրազենային վիրավորումից տեղում մահացել է, իսկ նույն զորամասի ժամկետային զինծառայող, շարքային Հրաչյա Վաղինակի Սարգսյանը գլխի շրջանում ստացել է հրազենային վիրավորում: Վերջինս ընդունվել է ՀՀ ՊՆ կենտրոնական կլինիկական զինվորական հոսպիտալի վերակենդանացման բաժանմունք: Փաստի առթիվ ՀՀ ՊՆ քննչական ծառայությունում ՀՀ քր. օր-ի 104 հոդվածի 2-րդ մասի 6-րդ կետով (սպանությունը՝ շատերի կյանքի համար վտանգավոր եղանակով) հարուցվել է քրեական գործ և կատարվում է նախաքննություն: Դ.Խաչատրյանը ձերբակալվել է: Քրեական գործի նախաքննությունը շարունակվում է: HayNews.am Նյութի աղբյուրը` http://haynews.am/hy/1368869661
| |
|
Մեկնաբանություններն ընդամենը՝: 0 | |